ഭക്തിയുളളവരാവുക...
(റമദാൻ നിലാവ്: 10)
✿•••••✿•••••✿
അല്ലാഹു ആവശ്യപ്പെടുന്നത് ഭക്തിയുളളവരായി ജീവിക്കാനാണ്. തഖ് വയുളളവരായിട്ടല്ലാതെ മരണപ്പെട്ടു പോകരുതെന്ന് അല്ലാഹു നിർദേശിക്കുകയും ചെയ്യുന്നു.
നിങ്ങള്‍ക്കു മുമ്പ് (വേദ) ഗ്രന്ഥം നല്‍കപ്പെട്ടവരോടും, നിങ്ങളോടും നാം ‘വസ്വിയ്യത്ത് ‘ചെയ്തിരിക്കുന്നു. നിങ്ങള്‍ അല്ലാഹുവിനെ സൂക്ഷിക്കണമെന്ന്……. (4 /131)
സത്യവിശ്വാസികളേ, നിങ്ങള്‍ അല്ലാഹുവിനെ സൂക്ഷിക്കേണ്ടുന്ന മുറപ്രകാരം സൂക്ഷിക്കുക. നിങ്ങള്‍ മുസ്‌ലിംകള്‍ ആയിക്കൊണ്ടല്ലാതെ മരിക്കാന്‍ ഇടയാകരുത് (3 /102)

അമ്പിയാക്കൾ ജനങ്ങളോട് പറഞ്ഞത്
•••┈✿❁✿•┈•••
അവരുടെ സഹോദരന്‍ നൂഹ് അവരോട് ഇപ്രകാരം പറഞ്ഞ സന്ദര്‍ഭം: നിങ്ങള്‍ സൂക്ഷ്മത പാലിക്കുന്നില്ലേ? (26 /106)
അവരുടെ സഹോദരന്‍ ഹൂദ് അവരോട് പറഞ്ഞ സന്ദര്‍ഭം : നിങ്ങള്‍ സൂക്ഷ്മത പാലി ക്കുന്നില്ലേ? (26 /124)
(നബിയേ) നിന്റെ രക്ഷിതാവ് മൂസായെ വിളിച്ചു കൊണ്ട് ഇപ്രകാരം പറഞ്ഞ സന്ദ ര്‍ഭം (ശ്രദ്ധേയമത്രെ,) നീ ആ അക്രമികളായ ജനങ്ങളുടെ അടുത്തേക്ക് ചെല്ലുക. അതായത്‌, ഫിര്‍ഔന്റെ ജനതയുടെ അടുക്കലേക്ക്, അവര്‍ സൂക്ഷ്മത പാലിക്കുന്നില്ലേ (എന്നു ചോദിക്കുക).(26 /10-11)

ഭക്തിയുളളവരാകണം...
•••┈✿❁✿•┈•••
അല്ലാഹു നമ്മുടെ മേൽ നിർബന്ധമാക്കിയ ഇബാദത്തുകളിലൂടെ നേടിയെടുക്കേണ്ടത് തഖ് വയാണ്. നമസ്കാരത്തെക്കുറിച്ച് അല്ലാഹു പറഞ്ഞത് മ്ലേച്ഛമായ എല്ലാ കാര്യങ്ങളിൽ നിന്നും നമസ്കാരം നിങ്ങളെ തടയുമെന്നാണ്. നോമ്പിനെക്കുറിച്ച് ഇപ്രകാരം പഠിപ്പിച്ചു. സത്യവിശ്വാസികളേ, നിങ്ങളുടെ മുമ്പുള്ളവരോട് കല്‍പിച്ചിരു ന്നത് പോലെത്തന്നെ നിങ്ങള്‍ക്കും നോമ്പ് നിര്‍ബന്ധമായി കല്‍പിക്കപ്പെട്ടിരിക്കു ന്നു. നിങ്ങള്‍ തഖ്‌വയുള്ളവരായിത്തീരുവാന്‍ വേണ്ടിയത്രെ അത്‌. (2 /183)

എന്താണ് തഖ് വ?
•••┈✿❁✿•┈•••
തടയുക എന്നർഥം വരുന്ന وقى എന്ന പദത്തിൽ നിന്നാണ് തഖ്‌വ എന്ന പദം ഉണ്ടായത്. തെറ്റുകളിൽ നിന്ന് മനസ്സിനെ പിടിച്ചു നിർത്തലാണത്. നിഷിദ്ധമാക്കിയത് ഒഴിവാക്കിക്കൊണ്ടാണത് ചെയ്യേണ്ടത്.
ഇബ്‌നു മസ്ഊദ് (റ) പറയുന്നു : (അല്ലാഹുവിനെ മുറപ്രകാരം സൂക്ഷിക്കുക എന്നാല്‍) ‘അല്ലാഹുവിനോട് അനുസരണക്കേട് കാണിക്കാതെ അവനെ അനുസരിക്കുക, അവനെ വിസ്മരിക്കാതെ ഓര്‍ക്കുക, അവനോട് നന്ദികേട് കാണിക്കാതെ നന്ദി കാണിക്കുക ഇവയാണത്.’
അലി (റ) പറഞ്ഞു: തഖ്‌വ എന്നാൽ അല്ലാഹുവിനെ ഭയപ്പെടലും അവൻ ഇറക്കി യത് കൊണ്ട് കർമ്മങ്ങൾ ചെയ്യലും മടങ്ങിപ്പോക്കിന്റെ നാളിനായി തയ്യാറാകലു മാകുന്നു.
ഉമർ ബിൻ അബ്ദുൽ അസീസ് (റഹി) പറഞ്ഞു: തഖ്‌വയുള്ളവൻ കടിഞ്ഞാണുള്ളവനാണ്. ഉദ്ദേശിക്കുന്നതൊക്കെ ചെയ്യാൻ അവന് കഴിയില്ല.

എല്ലാം അറിയുന്നവനാണ് അല്ലാഹു....
•••┈✿❁✿•┈•••
പ്രിയപ്പെട്ടവരെ, ജീവിതത്തിന്റെ രഹസ്യവും പരസ്യവുമായ എല്ലാ മേഖലകളിലും അല്ലാഹുവിനെ സൂക്ഷിച്ചു ജീവിക്കലാണ് തഖ് വ. നമ്മുടെ കണ്ണും കാതും, നാവും ലൈംഗീകാവയങ്ങളുമെല്ലാം സൂക്ഷ്മത പാലിക്കണം. ക്യാമറ കണ്ണുകളെ ഭയന്ന് തെറ്റുുകളിൽ നിന്നും മാറി നിൽക്കുന്നവർ റബ്ബിന്റെ കണ്ണു വെട്ടിച്ച് ഒന്നും ചെയ്യാൻ കഴിയില്ലെന്ന അടിയുറച്ച വിശ്വാസത്തിന്റെ ഉടമകളായി മാറണം.
ഉമർ ബിൻ അബ്ദുൽ അസീസ്‌ (റ) പറഞ്ഞു: “പകലിൽ നോമ്പെടുക്കലോ രാത്രിയിൽ നമസ്കരിക്കലോ അല്ല തഖ്‌വ. അതു രണ്ടിനും ഇടയിൽ കൂട്ടിക്കലർത്തലുമല്ല. അല്ലാഹുവിനുള്ള തഖ്‌വ എന്നാൽ അല്ലാഹു നിഷിദ്ധമാക്കിയത് ഒഴിവാക്കലും അവൻ നിർബ്ബന്ധമാക്കിയത് പ്രവർത്തിക്കലുമാകുന്നു. അതിനെ തുടർന്ന് ആർക്കെ ങ്കിലും നന്മ ലഭിച്ചാൽ അതു നന്മയുടെ മേലെയുള്ള നന്മയാകുന്നു”.
•••┈✿❁✿•┈•••

സ്നേഹപൂ൪വ്വം
സമീ൪ മുണ്ടേരി
25/04/2021